Fish CampsNorthern GamesPortraitsRecreation

James Jerome zrit Aklavik gwizhìt July 31, 1949 dài’ vagòonlii, tr’iinin nihk’iityek tat khaints’àn’ iinlì’.  Nàgwìchoonjik iyeendàk gwìnjì’ Nìchiitsii Dìniinlee gitr’àhnuu gwà’àn diik’àyąhthàt.  Dityè’ zrit Joe Bernard Jerome vàazhii t’at, vìdree’oonaatsoo kat eenjit goots’ànyuu iinlì’, gehkhee ts’àt khyą̀h t’ah’įį nilìi ts’àt Gwichyàh Gwìch’in eenjit khàihkąį’ chan iinlì’.  Vahanh zrit Celina (Coyen) Jerome zrit vàazhii iinlì’.  

Srìit’ąhshùk dachan tat t’iinch’uu digiyùughwàn kat hàh, aii tł’ęę Inuvik gwizhìt Grollier Hall gwizhìt nìtr’ìnyąhchee t’agòonch’ùh.  Gwichìilàgòo’aii tł’ęę, nìigho’ ahtsii eenjit gàyuunìltyin, ts’àt didìnehtł’èe’ òonjik tł’ęę Canada gwidehtoh chan chùuzhè.

James zrit vi’ìitsii vàh gwank’òo oonjee vaghąįį ihłok gwijùutyin ts’àt ihłagà nilii dài’ vats’an ałtsąįį, danànkak gwits’ee chùuzhee ìinch’its’àt ehdyeetat nihk’yų̀ų nìdhìzhee t’at łuk katr’idi’įį deek’ìt gwitak gògwìnyàanch’uu tat gogwank’ǫ̀ǫ chan òonjìk.  Azhìk dài’ zrit vàh gwìch’in kat duulèh daga’anjòo kat chan gookwaa dài’ nakhwek’yų̀ų zrit tthak gwiyìt nagwijàazhii eenjit nìinji’iindhàt.  Edìnehtł’eh kak gwandak ahtsii zrit Native Press goovàazhii iinlì’ goovàh gwitr’it t’agwah’in’ gwank’ǫ̀ǫ̨ oonjii eenjit t’eedi’in’ aii tł’ęę zrit kheenjit akòo t’eedi’in’.  Nàniindhat dài’ zrit edìnehtł’eh hàh dha’aii Dinjii Zhuh Anjòo kat eenjit nits’òots’àt gogwandaii akòo googwank’ǫ̀ǫ oonjii ts’àt googinjìk chan oonjii, aii edìnehtł’eh zrit “Dinjii Zhuh Anjòo Kat Googwank’ǫ̀ǫ ts’àt Googinjìk Eenjit” goovàazhii iinlì’.  Gwehkhè’ zrit November 17, 1979 dài’ zrit zheh gòok’in’ gwizhìt vakwàa.

 

 

Prince of Wales Northern Heritage Centre, Yellowknife, Northwest Territories, Canada

 

James Jerome Eenjit