Aullaarutiksat

Nalunairutiksaa Takunnagviksaq

Aullaarutiksat

Qimmitigun

Nuligak "Tallimat, arvinilgit ilanni qulingiluat ilanniptauq qulitun ilagiiktuat atautchikun aulavaktuat, qimuklugit suralingit tamaita qamutinik." (Uvanga, Nuligak m. 25)

Ukiumi aulayuni nakuuyuq kuugitlu tatchitlu sikummata nunalu apusirman. Taimanna qimmiliyaqtuat sapiyuittut aulagamik nunakkun.

Manniliaqtuat Manniliqpingmun.
(National Archives of Canada/172916/R. M. Anderson)

Takunnaglugit ingilraan
Inuvialuit qimmiliyaqtuat:

Pisuktuat

Nuligak "… iqalliaqtuanni tatchimun. Pisukluta aulayuanni, suralivut nanmaklugit." (Uvanga, Nuligak m. 25)

Nuna aputairman sikiuqtinnagit kuugitlu tariurlu, Inuit pisuklutik nunamukpaktuat anguniariaqlutik iqalliaqlutiglu. Suralingit nammakpagaitlu. Qimmitlu nunmaruaqpaktuat.

Sanauyalianga May Algona, 1976. (PWNHC pingit)

Umiakkuaqtuat

Nuligak "Auyami 1926mi umiaqpauyaniktainnaqtuami! Nutaatchiaq, sanaqqammiqtuaq tayvani ukiumi, atiruaqtuaq Bonnie Bellemik. Forty feettun takibluni, Francisco Standardmik suangayuanik ingniqutiruaqlunilu." (Uvanga, Nuligak m. 157)

Umiaqpauyat atuqpagait aulagamik auyami. Tingilrautiruaqtuat, ingniqutiruaqtuat iluani igluruaqlutiglu silaqlungman iluanulasiblutik.

Nulikkaum umiaqpauyanga, Bonnie Belle, Aklarvingmi 1940 qaningani. (NWT Archives/N-1990-003-0083)

Takunnaglugit ingilraan
Inuvialuit umiaqpauyakkuaqtuat:

QINIRVIKSAQ | SUMUUTILAARVIKSAQ
QANUQ ISUMAVIUNG | IKAYUQSIURVIKSAQ