T’ą Ɂaıt’ı̨

Nuwe hanı́ rıłtth’ą-u, nuwe nı́rı́htł’ı́s-u, t’at’ú ɂeghálaıdá ts’ı̨ ɂenérıhtł’ı́s sı́ nıłɂı̨-u, t’at’ú yatı thela-u tth’ı nën nehanı́ ghą dëne xél holnı.
Dëne Hurelkër-u Dëne Xél Hadı

Yatı t’á dëne xél hadı sı́, ɂeyı benaanı́le ɂat’ı̨́ ɂat’e.
Hanı łą ghą nuwexél hadı xadúwı́le húlı́, ją Dası́dën Lárát’e-u, Dası́dë́n Ts’éránı t’at’ú dası́dën ba ɂeghádálana hı̨lé sı́ ghą łǫ́tądhel hanı ghą nuwexél hadı.

Yunı́s Ts’ı̨ Ɂerehtł’ı́s Náda

Ɂedërı yatı dı́tth’aıle -u, ɂerehtł’ı́s náda búret’ı̨ xa sı́, t’atthe Dası́dën Larát’e-u, Dası́dën Ts’éránı chu háyǫrı̨́la dëne náráde t’at’ú dası́dën ts’éráını sı́ búret’ı̨ ɂat’e. Ɂedërı ɂerehtł’ı́s náda náłtsı̨ sı́, dası́dën ts’ı̨ Assıstant Commander Cyrıl “Nordıe” Kırk húlye, denı t’a náyełtsı̨ ɂat’e, jadı́zı̨́ ɂedzagh në́n k’e náı́dhë́ hı̨lé kú 1940’s húk’e chu 1950’s ɂeyı tth’ı kú.

Dëne Nérıhtł’ı́s
T’a Zı́ Dólı̨ Sı́

Nay Dası́dën Lárát’e-u, Dası́dë́n Ts’éránı dáı́le sı́, nı́ ɂerehtł’ı́s k’e bezı́ dáthela ɂat’e, Degë́th Dëné ɂeyër t’a łą bezı́ dólı̨.

1Joe Bernard Lake
2Charlie Stewart Viteetshìk (Creek)
3John Martin Viteetshìk (Creek)
4Jimmy Husky Viteetshìk (Creek)
5Johnny Semple Viteetshìk (Creek)
6Peter Alexie Viteetshìk (Creek)
7Millen Viteetshìk (Creek) *
8Abraham Francis Ferry
9Louis Cardinal Ferry
10Mount Sittichinli
11Moses Hill

* place named after constable Edgar Millen, killed in the hunt for the Mad Trapper.

Place Names Map
T’ą Dası́dën Lárát’e-u, Dası́dë́n Ts’éránı dáı́le sı́ bezı́ k’erehtł’ı́s

Ɂedërı beghálaıda ts’ı̨ t’ą yek’aunetagh sı́ Dası́dën Lárát’e-u, Dası́dë́n Ts’éránı dáı́le sı́ chu háyǫrı̨́la ts’ı̨ dëne dası́dën ts’éráı́nı sı́ ɂeyı t’ą bek’óreją sı́ harelyų́ dënezı́ ɂeła nı́la ɂat’e. Dası́dën ɂedërı ghą yek’érı́htł’ıs sı́, harelyų́ t’ası́ k’édórı́łtł’ıs let’á, háyǫrı̨́la dëne nádé sı́, ɂeyı ghą dënexél dálnı ją bek’oréhtł’ı́s ɂat’e. ɂałų́ dënezı́ łą dółe są́. Nën Dası́dën Lárát’e-u, Dası́dë́n Ts’éránı sı́ ghą holnı rı́lɂı̨ tó bezı́ nı́ɂá rılɂı̨ dé tó, ją beghą háı́nı-u, nuwets’ı̨ websıte húlye sı́, ɂeyër nı́lye xadúwı́le.

Nehanı́ Ghą Dëne Xél Holnı!
Dası́dën Lárát’e-u, Dası́dë́n Ts’éránı
First Name Family Name Active Date(s) Place or Project
Dëneba ɂetáłtı dálı̨-u, nánıs dëne dzérélı tth’ı
First Name Family Name Active Date(s) Place or Project
T’ą Ts’ékuı Dëne Ts’éráı́nı́
First Name Family Name Active Date(s) Place or Project