T’at’ú ɂeghálaıda ɂedų ɂajá

T’at’ú dası́dën dáı́dlı̨ ɂajá-u, that’ın yatı t’á reconcılıatıon snı nuwenı t’at’ú nuwexél-u, tth’ı ɂedërı dëne xél hadı t’ası́ sélyá sı́, t’ą nuwets’ı́nı sı́ búret’ı̨ ɂat’e.
Dası́dën Lárát’e-u, Dası́dë́n Ts’éránı Dálı̨ T’arájá Sı́

ŁŁı̨ bet’át’ı̨ k’áɂǫ́ ɂaja-u, Dası́dën Lárát’e-u, Dası́dë́n Ts’éránı dáı́le belá ɂedų́ ɂaja.

1970’s ts’ı̨ 1990’s ts’ë́n Dası́dën Lárát’e-u, Dası́dë́n Ts’éránı dáı́le sı́, dası́dën dánı́łe xa ɂeyı ts’ë́n dábehelɂa.

Dųrı̨dzı̨ k’e dëne dédlın ts’ı̨ɂáne dası́dën dálı̨ sı́, t’atthe 1800’s ts’ı̨ 1900’s ts’ë́n Dası́dën Lárát’e-u, Dası́dë́n Ts’éránı dáı́le sı́ t’at’ú dëneba ɂeghádálaná, ɂeyı beghár ɂalɂı̨ ɂat’e. Yunı́zı̨ dëne dédlın ts’ı̨ɂán chu that’ı́n chu t’at’ú ɂeła ɂeghádálaıná hı̨lé sı́, ɂeyı k’ı́s té nezų́ dëneba ɂeghádálaıhena rélɂı̨, ją ɂedzagh në́n chu Canada k’éyaghe chu.

RCMP Aboriginal Policing Flag

Gerry Kısoun Otto Bınder húlye Dası́dën Lát’e-u, Dası́dë́n Ts’énı helı̨, ɂeyı xél ɂat’ı̨ yenalnı́. Otto t’ayéłnı yenalnı́ “Dası́dën nelı̨ xa rı́łdzá-u, nuwe xél ɂeghálaına lı́lu? yéłnı. Gerry ɂę́ nıdhën t’á, 1971 kú dası́dën lát’e-u, dası́dën ts’énı helı̨ xa la ghą nı́ya. 1975 kú dası́dën helı̨ xa honeltën nayı́t’e-u, Alberta chu Yukon chu ɂeyër dası́dën helı̨ ɂeghálaná.

Gerry ɂeténa helı̨ ghą hádı́ ɂúnt’e-u, jadı́zı̨́ në́n ts’ë́n nakëreddhır relɂı̨. 1986 ts’ı̨ 1996 ts’ë́n Tuktoytaktuk chu Inuvık chu ɂeyër dası́dën helı̨ ɂeghálaná.

Ɂeyër sı́ ts’ı̨ Gerry bets’ı̨ háyǫrı̨́la chu jadı́zı̨́ ɂedzagh në́n ɂeyër dëneba ɂeghálana ɂat’e-u, jadı́zı̨́ ɂedzagh në́n xa Deputy Commıssıoner hı̨lé 2016/2017 kú.

Inuvik Sub/Div. Insp. John Sebastien congratulates S/Cst. Gerry Kisoun on receiving his Regimental number, allowing him to attend the RCMP Training Academy, 1974.

NWT RCMP special constables in Vancouver at Expo ’86

NWT Archives/G-1995-001:4743

RCMP Officer Julia Crapeau of Detah at the “G” Division Headquarters in Yellowknife, 1989.

NWT Archives/G-1995-001:2877

Corporal Aprıl Bell húlye sı́ dųrı̨dzı̨ k’e t’ą dası́dën dálı̨ ɂeyı hát’ı ɂats’edı. Jadı́zı̨́ ɂedzagh në́n k’e néyą-u, dası́dën hesłı̨ t’á dëne ją ɂedzagh në́n k’e nádé bets’ésnı resɂı̨ yıdhën. “G” Dıvısıon ts’ı̨ Aborıgınal Polıcıng húlye xa tthe theda ts’ı̨ jadı́zı̨́ ɂedzagh në́n háyǫrı̨́la dólı̨ ɂeyër t’at’ú dası́dën dëneba ɂeghádálana ɂeyı k’e ɂeghálana sı́ yenélı̨.

Right: Cpl. April Bell in full Red Serge, 2017.

Background: 1973 RCMP Commemorative Plaque outside “G” Division Headquarters in Yellowknife.

Ɂełghononelye

Reconcılıatıon ghą náátı sı́, ɂeyı ɂelghononelye ɂats’edı-u, hétł’as ts’ë́n xa harelyų́ dëne bets’ë́n halı̨ ɂat’e, dëne ɂełánélt’e-u, harelyų́ ɂeła tth’ı. T’ą dëneghar kų́é náı́dé hı̨lé sı́, denı bexél-u, t’ą dëneghár kų́é t’á bek’eréłɂą-u, ɂełk’éch’a yałtı kų́é ts’ı̨ɂáné-u, nı́é ts’ë́n k’aldhër dólı̨-u, Canada k’éyaghe dëne nı́k’adé denı tth’ı.

Dası́dën t’at’ú dëne dédlın t’órıłthër hı́lé sı́ ɂeyı xa mársı yıdhën sı́, ɂeyı Reconcılıatıon snı sı́, ɂeyı hát’ı ɂats’edı.

Background: Exhibit Opening, August 3, 2017. (Angela Gzowski Photography)

Dënexél Hadı Búnı́dhır
Mársı Dëne Héts’edı

Ɂedërı dëne xél hadı that’ı́n yatı t’á “We Took Care of Them” húlye sı́, “Bets’ı́dı́” snı ɂat’e, ją Prınce of Wales Northern Herıtage Centre, Beghúldesche, NWT húlye theɂa sı́ Dzınedhaze za tagh núltagh, 2017 kú bedágháretągh ɂat’e. Ɂedërı dëne xél hadı sulyá sı́ Jadı́zı̨́ Në́n Ts’ı̨ Nı́é Ts’ë́n K’aldhër ts’ı̨ Department of Educatıon, Culture and Employment húlye chu Justıce húlye chu dası́dën ts’ı̨ “G” Dıvısıon húlye ɂeła ɂeghádálaıhena t’á yehéłtsı̨ ɂat’e.

Ɂedërı dëne xél hadı núhút’ą sı́, t’ą nuwexél dálnı́ sı́, mársı bélı́dı rılɂı̨:

Bella Arey, Inuvik
Sonny (Edward) Balsillie, Fort Resolution
Steve Beck, Hay River
Otto Binder Jr., Inuvik
Grace Blake, Tsiigehtchic
Mabel Brown, Inuvik
Dale Clark, Tsiigehtchic
Albert Elias, Inuvik
Freddy Jerome, Inuvik
Thomas Kotchea, Trout Lake
Wilfred Lennie, Tulita
George Mandeville, Fort Smith
Arlene Wright, Fort Liard
Charlotte Menacho, Tulita
Louie Mercredi, Fort Smith
Winston Moses, Inuvik
George Niditchie, Tsiigehtchic
Louise Reindeer, Tulita
Peter Ross, Tsiigehtchic

Ɂeyı beghąłthën ɂedërı mársı bélı́dı rı́lɂı, dëne ts’ı́nı xa:

RCMP Heritage Centre
Deborah Kigjugalik Webster, Ottawa
Paul Andrew, Yellowknife
Lee Cazon, Fort Simpson
April Bell, Yellowknife
Gerry Kisoun, Inuvik
RCMP Quarterly
Gwich’in Tribal Council staff:
Alestine Andre, Ingrid Kritsch, Diane Baxter
CBC NWT
GNWT Aboriginal Languages and Learning Secretariat
Wally Wolfe, St. Albert
Sue Look, Hay River
Wallace Finlayson, Trophy Lodge, Reliance
Leslie McCartney
Kevin Antoniak, Fort Smith
Barb Cameron, Yellowknife

Translated into Chipewyan by
Sabet Biscaye